Plantun de Prouvènço

Pèr coumpara dos planto d'encò nostre

Salix × sepulcralis & Vicia disperma

Sause-plouraire

Salix × sepulcralis

Salicaceae

Autre noum : Sause-plourous.

Noms en français : Saule pleureur, Saule pleureur doré.

Descripcioun :
Lou sause-plouraire nous vèn d'Asìo, majamen de Chino emé la principalo meno, Salix babylonica. La maje part di sause-plourous que se rescontron dins li pargue soun de bastard coume Salix × sepulcralis (Salix babylonica x Salix alba) que resiston miés à la fre. La rusco jauno vèn de Salix alba alor que li ramo que pendoulon vènon de Salix babylonica. Aro tèms en tèms, se vèi en ribo d'aigo d'aquéli sause.

Usanço :
Coume lis àutri sause dèu èstre febrifuje.

Port : Aubre
Taio : 6 à 12 m
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Roujo
Petalo : ges
Ø (o loungour) enflourejado : 0,5 cm
Flourido : Ivèr

Sòu : Ca
Autour basso e auto : 0 à 600 m
Aparado : Noun
Febrié à mars

Liò : Ribiero - Pargue
Estànci : Termoumediterran à Subremediterran
Couroulougi : Óurigino Asìo-Èst
Ref. sc. : Salix × sepulcralis Simonk., 1890

Vesso(-di-dos-grano)

Vicia disperma

Fabaceae Leguminosae

Nom en français : Vesce à deux graines.

Descripcioun :
La vesso-di-dos-grano trachis dins li tepiero seco, ermas e champino de Prouvènço séusouso. Fai de pichòti dóusso bruno un cop maduro, caupènt dos grano. Se recounèis peréu à si grapo de flour vióuleto o bluio de dos à sièis flour pourtado sus un long pecou, pamens pu court que la fueio proche. Li fueio soun acabado pèr uno vediho e li dos sepalo de darrié soun soun bèn mai courtet (e remounton) que li tres de davans (fotò).

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 4 à 5 mm
Flourido : Printèms

Sòu : Si
Autour basso e auto : 0 à 800 m
Aparado : Noun
Remarco : Noun
Mars à mai

Liò : Tepiero seco - Ermas - Champino
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Vicia disperma DC., 1813

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salix × sepulcralis & Vicia disperma

ges

Coumpara Sause-plouraire emé uno autro planto

Coumpara Vesso(-di-dos-grano) emé uno autro planto